Entrevista kon Jessamine Irwin (Maine, USA) sovre la solisitud de
Sivdadania Espanyola
Por
Carlos Yebra López *
Dospués de 2015, los Estados espanyol i portuguéz están dando sivdadania a todos ke provan una koneksyon kon la komunidad judía ke fue ekspulsada en el pasado. Esta entrevista egzamina traverso una de las solisitudes, munchos aspektos de la ley de Sivdadania Espanyola i las difikultades de este proseso.
1.Kualas son tus raizes lingvistikas?
Bázikamente, me engrandesí avlando ingléz i franséz. Tambyen estudyí un pokitiko de espanyol, ama siempre tuve pasion por ambezarme el espanyol, dunke tratí de ambezarmelo sola, fui a Meksiko, Sentro Amerika, Espanya, etc.
2. Nasites en los Estados Unidos?
Nasi en Maine. Tambyen biví en Fransia un tiempo, ama la major parte del tiempo me engrandesí en los USA.
3. Nasites a padres de Estados Unidos?
Si, mi padre es de Alabama.
4. Komo te apersivites de la Ley del Retorno?
Mi madre es mitad espanyola de la alkunya 'Pellon' de la region de Santander, dunke un dia estava avlando kon una amiga ke se está ambezando el espanyol i eya me disho esto i komo yo savía ke mi famiya de Espanya era sefardi...
5. Deké te interesates por solisitar la nasyonalidad espanyola?
Ay munchas razones . Una razon es ke me agradaria ambezarme mas sovre la estoria de mi famiya en Espanya, ver si ay alguno kon la alkunya de la famiya de mi madre, etc. Tambyén ay munchas oportunidades para topar lavoro…
6. Kualo pensas sovre la manera en ke el governo espanyol tiene dezvelopado este proseso?
No puedo dizir ke só una eksperta en este sudjeto. De lo ke tengo meldado, supongo ke no entiendo kompletamente deké eyos (el governo) estan aziendo esto, porke me parese ke es kaji imposivle obtener la nasyonalidad espanyola. Ay demazia obstakolos, kosta demazia parás...dunke kaji parese ke están seleksionando un públiko espesifiko para ke solisiten la nasyonalidad traverso este proseso estrikto...
7. Kualas son algunas de las difikultades prinsipales ke topates en el kamino?
Primero, obtener un sertifikado ke prove mi orijin djudyo-sefaradi, porke kale obtener un sertifikado rekonosido por la komunidad sefaradi de mi pais i dospués...ay tantas fases en el proseso...Supongo ke lo mas importante es resivir el sertifikado…
8. Kualo es el estado aktual de tu solisitud?
Esta dainda en el empesijo. En este momento, me meti en kontakto kon el Instituto Cervantes. Yo sé ke podría azer los egzamenes (sé ke kóstan munchas parás, ama podría azer los egzamenes de estoria i lingua), ma no kero azerlo antes de resivir el sertifikado, porke si a la fin no puedo obtenerlo, vo pedrer las parás. Dunke, konosko las fases del proseso, ama estó dainda empesando.
* A
Judeo-Spanish speaker himself, and the author of Shoah and the
Ethics of Citizenship (Jerusalem: Yad Vashem, 2014), Carlos Yebra
López is a Ph.D. student in the Spanish and Portuguese Literature and
Linguistics Department at New York University. His research focuses on
the relationship between Sephardic Studies and contemporary Spain,
especially as regards the so-called Spanish ‘Transition’ to democracy.
He is also co-founder of the
Youtube channel Ladino 21.